1) આપણે મળ્યાની એ ક્ષણ યાદ છે,

    તમારા સ્મિતે કરેલું કામણ યાદ છે,

    બસ એક ક્ષણ…ને રચાયું તું તારામૈત્રક,

    એ વિરલ ઘટનાની પ્રત્યેક પળ યાદ છે.

 

હવે આજ મુક્તક એક અલગ અંદાજમાં,

 

આપણે મળ્યાની એ ક્ષણ યાદ છે,

મને તારું ગર્વિલ વલણ યાદ છે,

બસ એક થઈ ચૂક ને ખૂંપી ગયા અમે,

તારી ભૂરી આંખોનું કળણ યાદ છે.

 

2) કોઈની પ્રતીક્ષા એટલી વહાલી લાગે છે,

કે સહરાની બળતી લૂ પણ ચાંદની લાગે છે,

પ્રેમનું દર્દ પણ છે કેટલું મીઠું,

કે કાંટાળી સેજ પણ ફૂલોની પથારી લાગે છે.

 

જીના-માનસી